Anatolo Gonĉarov

Elektitaj Artikoloj

• Superi originalon: ĉu eble?, el «Literatura Foiro» (n-ro 128, 1990)
• Fingro-uzoj, fingrumo-sencoj, el «La Gazeto» (n-ro 46)
• Pri tradukista interhelpo (+ elrusigo), el «La Gazeto» (n-ro 54, 1994)
• Prefiksigo de konjunkcio ‘ĉu’, el «La Gazeto» (n-ro 77)
• ‘I’ — lando de l’ komuna eco, el «Scienco kaj Kulturo» (6/1997)
• Kiel oni silentas en diversaj nacioj, el «La Gazeto» (n-ro 81)
• Esperanta nostalgio — ĉuebla fenomeno, el «La Gazeto» (n-ro 9, 15 mart, '97)
• Medite pri miaj E-kluboj, el «La Gazeto» (n-ro 96)
• La lango ne turniĝas diri tion ruse, el «Literatura Foiro» (n-ro 166, 1997)
• Komunumo, ne zorganta pri la pasinto, ne havas estonton, el «La Gazeto» (n-ro 97)
• Legotrovaĵoj de Anatolo Gonĉarov, el «REGo» (5, 2002)
• Stimula manko de centralismo (e-movado en Rusio), el «Heroldo de Esperanto» (6, 2003)
• Unueco estas enua eco, el «Ruslanda Esperantisto» (9/1994, p. 1-2)
• Milita kaj posta infano rusia, el «La Gazeto» (n-ro 138, 2008, p 20-21)

Prelegoj

Prelego en la moskva klubo "Leo Tolstoj", jaro 2011; "Nova lingvo — nova homo": Nova rete

Recenzoj

• Traduka lingvaĵo de Zarkoviĉ, el «La Gazeto» (n-ro 30, 1990)
• Recenzo pri "Malbeno Kara", el «La Gazeto» (n-ro 76)

Anatolo Gonĉarov, naskiĝis en Siberio (1940), lernis en Brjansk kaj Odessa, laboris en Barnaul kaj Moskvo. Studente (Odessa) eklernis Esperanton (1958) kaj komencis multe E-legi, kio difinis lin pasia amanto de la lingvo. En 1960 ekinstruis Ĉe-metode kaj ĝis 1990 instruis ĉiujare, krom paŭzo 1980-1987.

En 1965 fondis antaŭSEJM-on (Sovetia E-Junulara Movado) kaj ekde 1966 prezidantis SEJM-on dum kelkaj jaroj. Dum postSEJM-a periodo (1981-1997) gvidis Scienc-Teknikan fakon de ASE (Asocio de Sovetiaj esperantistoj), ricevante de ASE-patronaj instancoj riproĉon ke la fako tro laboras, foje pli bone ol ASE mem. Fondis ses junularajn E-klubojn (Odessa, Barnaul, Moskvo ka.). Pro troa sindediĉo al Esperanto foriris de kvar perspektivaj karieroj kaj 1987 difinitive iĝis profesia E-aganto. Pro la samo fiaskis ĉe kelkaj edziĝoj kaj, perdinte loĝejojn, migris lande ekde 1990 ĝis 2002 jaro. En 2003 revenis Siberion kaj ekokupiĝis precipe E-verki, traduki kaj teoriumi pri E-movadaj problemoj. Kolektis riĉegan materialon pruvante Esperanton pli riĉa ol la naciaj sur la nivelo de esprim-eblecoj...